დღეს, 1-ელ სექტემბერს, აჭარის მთავრობის თავმჯდომარემ ლევან ვარშალომიძემ ქობულეთის საბავშვო ბაღები მოინახულა. რამდენიმე ბაღს მუნიციპალური პროგრამის ფარგლებში რეაბილიტაცია ჩაუტარდა. გარემონტდა შენობები და ახალი ინვენტარით შეივსო.
ვარშალომიძის განცხადებით, სკოლამდელი აღზრდა რეგიონის მთავრობის ერთ-ერთი პრიორიტეტია.
გასულ წელს აჭარის რაიონებში 20 საბავშვო ბაღი გარემონტდა, რამდენიმეს რეაბილიტაცია კი მომავალ წელს განხორციელდება. სკოლამდელი სასწავლო დაწესებულებების რეაბილიტაციისთვის 750 ათასი ლარი დაიხარჯა.
