რუსეთის სახელმწიფო სათათბირო მიმდინარე წლის ბოლომდე მიიღებს დოკუმენტს "ჩაის ხარისხისა და უსაფრთხოების შესახებ".
სახელმწიფო სათათბიროში შესულია კანონპროექტი ჩაიზე ტექნიკური რეგლამენტაციის შესახებ, რომელიც საბჭოთა პერიოდში მოქმედ ნორმატივებს შეცვლის. აღნიშნული დოკუმენტი შემუშავებულია ევროპული სტანდარტების მიხედვით და მიმართულია ჩაის ხარისხისა და უსაფრთხოების უზრუნველყოფისკენ.
ახალი დოკუმენტის მიხედვით, ჩაი ხუთ ტიპად იქნება დაყოფილი - 100%-იანი, მინარევებით, ჩაის ხსნარი (ჩაი არანაკლებ 50 %-ისა), ხსნადი და ცივი ჩაი. ასევე ჩაი კლასიფიცირებული იქნება ფერების მიხედვით: შავი, მწვანე, თეთრი, ყვითელი და წითელი.
