თურქული დაბალბიუჯეტიანი ავიაკომპანია Pegasus Airlines-ი სტამბოლიდან თბილისის მიმართულებით რეისებს ამატებს.
Pegasus Airlines-ის გენერალური სავაჭრო აგენტი საქართველოში GASA განმარტავს, რომ 1-ელი ნოემბრიდან, ავიაკომპანია ყოველ სამშაბათს, ხუთშაბათსა და შაბათს სტამბოლიდან თბილისის მიმართულებით დღის რეისებსაც შეასრულებს.
დღეისათვის Pegasus Airlines-ი სტამბოლი-თბილისის მიმართულებით, დილის რეისებს კვირაში 7 სიხშირით ასრულებს.
ახალი რეისების განრიგი ასე გამოიყურება: სამშაბათი 18:00 საათი; ხუთშაბათი 18:10 საათი; შაბათი 16:50 საათი.
