მე ვმსჯელობ ადამიანის განცხადებებით და ეს განცხადებები არის მოღალატეობრივი, ამ მოღალატეობრივი განცხადებების ავტორის გვერდით დგომა მიმაჩნია დახმარებად ღალატში. არავითარ შემთხვევაში არ უნდა დავუშვათ ამ ქალის გაპრეზიდენტება, იმიტომ რომ ის არის პუტინის პროექტი, ის არის მოღალატე, - ამის შესახებ "რუსთავი 2"-ის გენერალურმა დირექტორმა ნიკა გვარამიამ განაცხადა.
მისი თქმით, სალომე ზურაბიშვილი თავისი გამოხტომებით, ქცევით, განცხადებებით არის მოღალატეც და მისი განცხადებებიც ატარებს ფაშისტურ ელემენტებს.
"რაც შეეხება ფაშიზმს, როგორ ამბობს სალომე ზურაბიშვილი? – თუ არ ვცდები, 2 და 2 ოთხიო - ასე თქვა. ომი რუსეთმა დაიწყო, არის ფაშიზმი, ისევე როგორც 2 და 2 ვეთანხმები ამ შემთხვევაში ზურაბიშვილს, არის 4. ამიტომ ღალატი, რუსული ფაშიზმი ჩემთვის არის ერთი და იგივე. სალომე ზურაბიშვილი თავისი გამოხტომებით, ქცევით, განცხადებებით არის მოღალატეც და მისი განცხადებებიც ატარებს ფაშისტურ ელემენტებს. ნახეთ როგორ ექცევა ის ჟურნალისტებს. ასე რომ, ჩემთვის ეს არის 2 და 2 - 4 და მე ვარ მოქალაქე ამ ქვეყნის, ამ ქვეყნის პატრიოტი და დიახ, ბევრჯერ გავიმეორებ, სადამდეც საჭიროდ ჩავთვლი, სტატუსის ფორმით იქნება თუ განცხადების ფორმით, რომ სალომე ზურაბიშვილი არის ამ ქვეყნის მოღალატე. მისი განცხადებები ამას ცხადყოფს", - განაცხადა ნიკა გვარამიამ.
