როდესაც კამპანიაში ვმონაწილეობ, შვებულებას ვიღებ, რომ სამსახურებრივი რესურსი არ გამოვიყენო, - ამის შესახებ ჯანდაცვის მინისტრმა დავით სერგეენკომ განაცხადა.
მისი თქმით, სალომე ზურაბიშვილის წინასაარჩევნო კამპანია მშვიდ ვითარებაში მიმდინარეობს.
„სალომე ზურაბიშვილის წინასაარჩევნო კამპანია მშვიდობიანად მიმდინარეობს. ადმინისტრაციულ რესურსზე არაფერი მსმენია. მე, თუ ვმონაწილეობ ამ კამპანიაში, ვმონაწილეობ, როგორც საქართველოს მოქალაქე და იმ დღეს, როდესაც კამპანიაში ვმონაწილეობ, შვებულებას ვიღებ, რომ სამსახურებრივი რესურსი არ გამოვიყენო“, - განაცხადა სერგეენკომ.
