თბილისის საქალაქო სასამართლოში, ანა ნაცვლიშვილის მკვლელობაში ბრალდებულ ლადო გრიგალაშვილის სასამართლო პროცესზე ხმაური იყო.
ნაცვლიშვილის ოჯახის წევრებისა და ახლობლების გაღიზიანება ადვოკატის კითხვებმა გამოიწვია, რა დროსაც ბრალდების მხარე მოკლული გოგონას სხეულზე არსებულ ჭრილობებზე საუბრობდა.
მოსამართლე ბესიკ ბუგიანიშვილმა ნაცვლიშვილის ახლობლებს დარბაზი დაატოვებინა.
მანდატურის სამსახურმა დარბაზიდან გაიყვანა ასევე ბრალდებული გრიგალაშვილიც.
მცირედი პაუზის შემდეგ, სხდომა კვლავ განახლდა.
