პარლამენტის თავმჯდომარე ქვეყნის მტრად აცხადებს სამოქალაქო სექტორს, დამოუკიდებელი მედიასაშუალებას და მის ხელმძღვანელს და ქვეყნის მტრად აცხადებს ოპონენტებს, - ამის შესახებ გაერთიანებული ოპოზიციის ერთ-ერთმა ლიდერმა გიორგი ვაშაძემ პარლამენტის თავმჯდომარის, ირაკლი კობახიძის მიერ დღეს გაკეთებული განცხადებასთან დაკავშირებით აღნიშნა.
მისი თქმით, ამ ქვეყნის პარლამენტის თავმჯდომარე ვნახეთ დღეს, რომელიც იცავს ფარცხალაძეებს და იმ დანაშაულებრივი სისტემას, რომელიც ჩამოყალიბებულია.
„პარლამენტის თავმჯდომარე ქვეყნის მტრად აცხადებს სამოქალაქო სექტორს, დამოუკიდებელი მედიასაშუალებას და მის ხელმძღვანელს და ქვეყნის მტრად აცხადებს ოპონენტებს. მათ აქვთ მცდელობა, რომ შიში შექმნან საზოგადოებაში მათი განცხადებებით, მე მინდა ვთქვა, რომ 28 ოქტომბერს ჩვენ უნდა გავიმარჯვოთ, იმიტომ რომ ძალა ერთობაშია.
უნდა დავიწყოთ ახალი თაობის რეფორმების განხორციელება, იმიტომ რომ რაც ახლა ხდება ქვეყანაში უნდა დამთავრდეს“, - განაცხადა ვაშაძემ.
მისივე თქმით, საქართველომ უნდა დაიწყოს ნორმალური განვითარება და არასოდეს უნდა ჰყავდეს ხელისუფლებას ქვეყნის მოღალატე საპრეზიდენტო კანდიდატად.
„ქვეყანა გააუბედურეს, გადაუარეს თავზე, მინდა მას მივმართო, ის რასაც თქვენ კვლევებით, რეიტინგებით ხედავთ, მათ შორის თქვენი კვლევებით, არის პასუხი საზოგადოების იმ არაერთ და არასწორ უკანონო ქმედებაზე, რომელიც ქვეყანაში ხდება", - აღნიშნა ვაშაძემ.
ცნობისთვის, ირაკლი კობახიძემ დღევანდელ ბრიფინგზე ნიკა გვარამიამ Facebook პოსტთან დაკავშირებით ისაუბრა და თქვა, რომ გვარამია ფაშისტია.
