ამ თავდასხმების მიზანი არის ის, რომ მათ ხელი შეუშალონ ჩვენს სადამკვირვებლო საქმიანობას, გვამყოფონ სტრესულ რეჟიმში და ნაცვლად იმისა, სრულფასოვანი წინასაარჩევნო მონიტორინგი განვახორციელოთ გადავიდეთ მათი განცხადებების პასუხზე, - ამის შესახებ "სამართლიანი არჩევნების" აღმასრულებელმა დირექტორმა პარლამენტის თავმჯდომარის, ირაკლი კობახიძის განცხადებასთან დაკავშირებით აღნიშნა.
მისი თქმით, შეიძლება ნიკა გვარამიას განცხადებები არ მოგვწონდეს, არ ჯდებოდეს ჩვენს ან ირაკლი კობახიძის გემოვნებაში, მაგრამ მას კანონით არ ეკრძალება წინასაარჩევნო კამპანიაში მონაწილეობა.
"ამ თავდასხმების მიზანი არის ის, რომ მათ ხელი შეუშალონ ჩვენს სადამკვირვებლო საქმიანობას, გვამყოფონ სტრესულ რეჟიმში და ნაცვლად იმისა, სრულფასოვანი წინასაარჩევნო მონიტორინგი განვახორციელოთ გადავიდეთ მათი განცხადებების პასუხზე.
წელს ჩვენ უპრეცენდენტოდ კოორდინირებულ შეტევას ვხედავთ ხელისუფლების მხრიდან ამ არჩევნებზე ხელისუფლებას ოფიციალურად საკუთარი კანდიდატი არ ჰყავს .
შეიძლება გვარამიას განცხადებები არ მოგვწონდეს, არ ჯდებოდეს ჩვენს ან ირაკლი კობახიძის გემოვნებაში, მაგრამ მას კანონით არ ეკრძალება წინასაარჩევნო კამპანიაში მონაწილეობა.
პრობლემა იქნებოდა მას განეცხადებინა რომ რუსთავი ორი არ დაუთმობს ეთერს სალომე ზურაბიშვილს ან რომელიმე სხვა კანდიდატს", - განაცხადა ბენიძემ.
ცნობისთვის, ირაკლი კობახიძემ დღეს ბრიფინგზე განაცხადა, რომ მიხეილ ბენიძემ უკადრებელი იკადრა, როცა ნიკა გვარამია დაიცვა.
შეგახსენებთ, ტელეკომპანია "რუსთავი 2"-ის გენერალურმა დირექტორმა ნიკა გვარამიამ სოციალურ ქსელში დაწერა, რომ ყველა, ვინც სალომე ზურაბიშვილს ან აფინანსებს, ან კამპანიაში სხვაგვარად ეხმარება, ყველა პოლიტიკოსი, რომელიც დაყვება და მხარს უჭერს, უკიდურესად უნდა შევავიწროვოთ.
