პარლამენტის თავმდჯომარის ირაკლი კობახიძის განცხადებით, "რუსთავი 2"-ის გენერალური დირექტორის ნიკა გვარამიას Facebook პოსტი საპრეზიდენტო კანდიდატების არსებულ რეიტინგებს უკავშირდება.
კობახიძის თქმით, სალომე ზურაბიშვილი დამაჯერებლად იგებს.
"ეს ისტერიული განცხადება უსათუოდ უკავშირდება კანდიდატების არსებულ რეიტინგებს, რომელთა მიხედვითაც სალომე ზურაბიშვილი დამაჯერებლად იგებს არჩევნებს, ხოლო ნიკა გვარამიას და ნაციონალური მოძრაობის პარტიული კანდიდატი, გრიგოლ ვაშაძე შეიძლება მეორე ადგილზეც ვერ გავიდეს", - განაცხადა კობახიძემ.
ცნობისთვის, ტელეკომპანია "რუსთავი 2"-ის გენერალურმა დირექტორმა ნიკა გვარამიამ სოციალურ ქსელში დაწერა, რომ ყველა, ვინც სალომე ზურაბიშვილს ან აფინანსებს, ან კამპანიაში სხვაგვარად ეხმარება, ყველა პოლიტიკოსი, რომელიც დაყვება და მხარს უჭერს, უკიდურესად უნდა შევავიწროვოთ.
