ემთვის მთავარი არის, რომ კომპანიას აქვს 51 მილიონის საგადასახადო დავალიანება და ნაცვლად იმისა, მუშაობდეს, თუ როგორ გადაუხადოს ქართველ ხალხს ვალი, ხაზინის ფული იგივე ქართველი ხალხის ფულია, ზის ტელევიზიაში, სხვადასხვა ქვეყნებში მოგზაურობს და იქიდან არიგებს ამავე ხალხს ჭკუას, რომლის ვალიც აქვს, - ამის შესახებ იუსტიციის მინისტრმა თეა წულუკიანმა „ომეგა ჯგუფის“ საქმესთან დაკავშირებით განაცხადა.
მისი თქმით, ეს განცხადებები და ჩანაწერები რჩება განცხადებებად და ჩანაწერებად.
„გამოძიება იტყვის, რომელია ავთენტური, რომელი შეესაბამება სიმართლეს. არ მიმაჩნია ეს ყველაფერი პოლიტიკური კომენტარების თემად. ჩემთვის მთავარი არის, რომ კომპანიას აქვს 51 მილიონის საგადასახადო დავალიანება და ნაცვლად იმისა, მუშაობდეს, თუ როგორ გადაუხადოს ქართველ ხალხს ვალი, ხაზინის ფული იგივე ქართველი ხალხის ფულია, ზის ტელევიზიაში, სხვადასხვა ქვეყნებში მოგზაურობს და იქიდან არიგებს ამავე ხალხს ჭკუას, რომლის ვალიც აქვს. 51 მილიონი ლარი არ არის პატარა თანხა, ეს დაახლოებით ნახევარი თვის თანხაა იმ პენსიებისა, რასაც ქვეყანა ხანდაზმულებზე გასცემს. მესმის, რომ კომპანიას უნდა ყველა მეთოდით, მათ შორის ბინძური მეთოდით დაავიწყოს ვალის თემა ხალხს, მაგრამ ჩვენ, რა თქმა უნდა, არ ვივიწყებთ“, - განაცხადა თეა წულუკიანმა.
