დღეს, 1-ელი სექტემბრიდან ცხინვალის ოკუპირებულ რეგიონის სკოლებში სწავლა იწყება.
ამის შესახებ სააგენტო "რესი" ცხინვალის სეპარატისტული რეჟიმის ე.წ. განათლების სამინისტროს საინფორმაციო-ანალიტიკური განყოფილების ხელმძღვანელზე ალლა გაგიევაზე დაყრდნობით იუწყება.
მისი ინფორმაციით, ცხინვალში დღესვე ახლად გარემონტებული #9 საშუალო სკოლა გაიხსნება, ასევე ახალ სასწავლო წელს ახალი სკოლა სოფელ ზარში გაიხსნება.
ამასთან, გაგიევმა აღნიშნა, რომ ჯერ კიდევ არსებობს პრობლემები, რომელიც სკოლებში სარემონტო სამუშაოების დროულად დამთავრებას უკავშირდება.
"ცხინვალის #12 საშუალო სკოლის სარემონტო სამუშაოები სასწავლო წლის ბოლომდე დასრულდება, მანამდე კი ამ სკოლის მოსწავლეები სწავლას #11 საშუალო სკოლის შენობაში გააგრძელებენ", - აღნიშნა მან.
მისივე თქმით, ახალ სასწავლო წელს საშუალო სკოლა სოფელ ხეთაგუროვშიც არ გაიხსნება, რადგანაც შენობა ავარიულ მდგომარეობაში იმყოფება.
აღსანიშნავია, რომ ოკუპირებულ რეგიონში სეპარატისტებმა სასწავლო სახელმძღვანელოები 2008 წელს დაარიგეს, რომლითაც მოსწავლეებს ხუთი წლის განმავლობაში მოუწევთ სწავლა.
