დიდი იმედი გვაქვს, რომ კამპანია მხოლოდ ანტირუსულ ტალღაზე არ იქნება აგებული,- ამის შესახებ რუსეთის საგარეო საქმეთა მინისტრის მოადგილე გრიგორი კარასინმა საქართველოს საპრეზიდენტო არჩევნებთან დაკავშირებით განაცხადა.
მისი თქმით, მათ ყველა ის პოლიტიკოსი ესიმპათიურებათ, ვინც ესიმპათიურება ქართველ ამომჩეველს.
„კანდიდატების უმრავლესობა ჩვენთვის ნაცნობია. ძალიან ყურადღებით ვადევნებთ თვალს საქართველოში არსებულ იმ პოლიტიკურ ატმოსფეროს, რომლის პირობებშიც ეს საპრეზიდენტო კამპანია მიმდინარეობს. დიდი იმედი გვაქვს, რომ კამპანია მხოლოდ ანტირუსულ ტალღაზე არ იქნება აგებული. რაც შეეხება კანდიდატებს, ჩვენ ყველა ის პოლიტიკოსი გვესიმპათიურება, ვინც ესიმპათიურება ქართველ ამომჩეველს“,- განაცხადა გირიგორი კარასინმა.
