ხორავას ქუჩაზე მომხდარი მკვლელობის შეუტყობინებლობის ბრალდებით დაკავებული მირზა სუბელიანის სასამართლო პროცესი 15 ნოემბრამდე გადაიდო.
დღევანდელ სხდომაზე ბრალდების მხარემ შესავალი სიტყვა წარმოთქვა.
როგორც საქმის პროკურორმა, ბესიკ ქვარცხავამ განაცხადა, საქმეს ახალი მტკიცებულებაც დაერთო.
"დღეს დაიწყო ბრალდებულ მირზა სუბელიანის ბრალდების სისხლის სამართლის საქმის არსებითი განხილვა. დღევანდელ სხდომაზე წარდგენილ იქნა სახელმწიფო ბრალდების შესავალი სიტყვა, სადაც მიმოვიხილეთ მოცემულ დანაშაულთან მიმართებაში არსებული მტკიცებულებები, ასევე საქმის ფატქობრივი გარემოებები. გარდა ამისა, ჩვენს მიერ წარდგენილ იქნა დამატებით ახალი მტკიცებულება, კერძოდ, ჰაბიდოსკოპიური ექსპერტიზის დასკვნა, რომელიც სასამართლომ დასაშვებ მტკიცებულებად მიიღო", - აცხადებს ქვარცხავა.
შეგახსენებთ, რომ პროკურატურის ყოფილი თანამშრომელი, მირზა სუბელიანი ხორავას ქუჩაზე მომხდარი მკვლელობის საქმეზე სისხლის სამართლის კოდექსის 376-ე მუხლით, დანაშაულის შეუტყობინებლობის ბრალდებით დააკავეს.
ის წარდგენილ ბრალდებაში თავს დამნაშავედ ცნობს.
