„კანაფის კონტროლის შესახებ“ კანონპროექტზე უარი არ გვითქვამს, პროექტთან დაკავშირებით ჩვენი მთავარი ამოცანაა, მოვახდინოთ საზოგადოების ინფორმირება იმის თაობაზე, რომ ინიციატივა არაფერ ცუდს არ ითვალისწინებს, - ამის შესახებ ჟურნალისტებს საქართველოს პარლამენტის თავმჯდომარე ირაკლი კობახიძემ განუცხადა.
მისი თქმით, საზოგადოებას მიეწოდებოდა არასწორი ინფორმაცია იმის თაობაზე, თითქოს პროექტი ნარკოტიკების წარმოებას ითვალისწინებს. მისივე განცხადებით, მნიშვნელოვანია საზოგადოების ინფორმირება. მისივე თქმით, იქნება კონსულტაციები და გადაწყვეტილების მიღება ამის საფუძველზე მოხდება.
როგორც მან აღნიშნა, არსებობს გათვლები, რომ სარგებელი შეიძლება იყოს ძალიან დიდი.
„თუკი საზოგადოებისთვის ზიანის მომტანი არ არის და სარგებელიც დიდია ეკონომიკისათვის, მაშინ რატომ უნდა ითქვას მასზე უარი?! ჩვენი მთავარი ამოცანაა, რომ აღმოვფხვრათ სიღარიბე და თუ იქნება ახალი ინიციატივები, 8-10 წლიანი პერსპექტივის ნაცვლად, ამას შეიძლება პირობითად 5-8 წელი დასჭირდეს“, - დასძინა კობახიძემ.
