მარეგულირებელი კომისია დღეს პოლიტიკური ცენზორის როლში მოგვევლა, - ამის შესახებ "ევროპული საქართველოს" ერთ-ერთმა ლიდერმა გიგა ბოკერიამ მარეგულირებელი კომისიის გადაწყვეტილებასთან დაკავშირებით განაცხადა, რის მიხედვითაც, ტელევიზიებს სალომე ზურაბიშვილის საწინააღმდეგო სარეკლამო რგოლის გაშვება ეკრძალებათ.
როგორც ბრიფინგზე ბოკერიამ განაცხადა, კომუნიკაციების მარეგულირებელი კომისია დღევანდელი ხელისუფლების, ივანიშვილის გუნდის ხელში ჩვეულებრივ ინსტრუმენტად იქცა, მათი პოლიტიკური ამოცანების მისაღწევად.
„დღეს პოლიტიკური ცენზორის როლში მოგვევლინენ. შინაარსში შევიდნენ, ლეგიტიმურ რეკლამას სალომე ზურაბიშვილის წინააღმდეგ მიმართულს უწოდეს უკანონო, აბსოლუტურად აბსურდული სამართლებრივი მიზეზებით. ჩვენ ასეთი შეფასება გვაქვს სალომე ზურაბიშვილის გამონათქვამების, ეს არის ქვეყნის ინტერესების ღალატის ტოლფასი საქციელი.
მინდა მათ შევახსენო, რომ ჩვენს კანონმდებლობაში სიტყვის თავისუფლების კანონი არსებობს და ძალიან მკაფიო მუხლი, რომ აზრი, შეფასებითი მსჯელობა დაცულია აბსოლუტური პრივილეგიით და არ ემორჩილება არანაირ შეზღუდვას, ცენზურას,“- განაცხადა გიგა ბოკერიამ.
