ჭყონდიდელი მიტროპოლიტმა, მეუფე პეტრემ მრევლს მოუწოდა, არ დაუჭიროს მხარი სალომე ზურაბიშვილის კანდიდატურას, რადგან ეს ქვეყნისთვის უკან გადადგმული ნაბიჯი და წარსულში დაბრუნების ტოლფასი იქნება.
მისი თქმით, რა თქმა უნდა ადამიანი, რაც არ უნდა ზეწოლა მოხდეს ადმინისტრაციული რესურსით თუ სხვადასხვა ბინძური მეთოდებით მასზე, არავითარ შემთხვევაში არ უნდა დაექვემდებაროს ამ ზეწოლას.
„წმინდა ილია მართალი ამბობს, რომ არჩევნებს თან ახლავს ცოდვა-მადლი, არჩევნები ცოდვა-მადლის გარჩევის დიდი ასპარეზი და ადგილია. ან სცოდავ შენ შენი არასწორი არჩევანით, ან მადლს მოიპოვებ და მოიხვეჭ შენი სწორი არჩევანით.
რა თქმა უნდა ადამიანი, რაც არ უნდა ზეწოლა მოხდეს ადმინისტრაციული რესურსით თუ სხვადასხვა ბინძური მეთოდებით მასზე, არავითარ შემთხვევაში არ უნდა დაექვემდებაროს ამ ზეწოლას და შენი სინდისი, შენი ნამუსისა და შენი გონის წინააღმდეგ საქმე არ უნდა ჩაიდინოს შენმა მარჯვენამ. და არ უნდა გააკეთოს ასეთი საქციელი, არ შემოხაზო ის, რომელსაც სინდისი და ნამუსი არ გიკარნახებს“- თქვა მეუფე პეტრემ.
