საქართველოს ტერიტორიაზე რუსეთი რომ შემოიჭრა, ამას სალომე ზურაბიშვილი ყოველთვის ამბობდა და დღესაც ეს გაიმეორა, – ამის შესახებ ჟურნალისტებს პარლამენტის ვიცე-სპიკერმა ზვიად ძიძიგურმა განუცხადა.
ძიძიგურის თქმით, სალომე ზურაბიშვილს რუსეთთან მიმართებაში არაფერი შეუცვლია, ადრე რასაც ამბობდა, დღესაც ის გაიმეორა.
მისივე განცხადებით, რუსის ჯარის გაყვანას წინ რა პერიპეტიები უსწრებდა და რამდენად რთული მოლაპარაკებების ჩამტარებელი იყო სალომე, ეს ყველას კარგად ახსოვს.
"რაც შეეხება წინა ხელისუფლებას, ის დამნაშავეა იმაში, რომ სამხრეთ ოსეთი და ცხინვალი რუსეთისა და სხვა ქვეყნების მიერ ნაღიარებია. როცა ქვეყნის ხელისუფალი ხარ, ვალდებული ხარ, ტერიტორიული მთლიანობა შეინარჩუნო და ამის გაკეთების შესაძლებლობა იყო, არსებობდა და მიმაჩნია, რომ წინა ხელისუფლება ამ საკითხში პასუხისმგებლობას ვერ გაექცევა. სალომე ყოველთვის ამბობდა, რომ რუსეთი საქარველოს ტერიტორიაზე ტანკებით, ქვემეხებით შემოიჭრა”, – განაცხადა ძიძიგურმა.
