პედოფილსაც აქვს უფლება, ისე დაისვენოს, როგორც უნდა? - ამ კითხვით მიმართავს გაერთიანებული ოპოზიცია "ძალა ერთობაშიას" საპრეზიდენტო კანდიდატი გრიგოლ ვაშაძე საკონსტიტუციო სასამართლოს.
ის მარიხუანას ექსპორტის საკითხს გამოეხმაურა და განაცხადა, რომ "არავითარი ექსპორტისთვის ეს ნარკოტიკები გათვალისწინებული არ არის".
"ეს არის შიდა მოხმარებისთვის გათვალისწინებული. თავიდანვე გასაგები იყო, ეს ისტორია საით მიდიოდა, როდესაც ჯერ სიმღერები შემოგვაპარეს, შემდეგ კონსტიტუციურმა სასამართლომ მიიღო გადაწყვეტილება, რომ თურმე ადამიანს უფლება აქვს, ისე დაისვენოს, როგორც უნდა და შეკითხვა მაქვს კონტიტუციურ სასამართლოსთან, პედოფილსაც აქვს უფლება, ისე დაისვენოს, როგორც უნდა?! ამ პლანტაციებს რომ გვიშენებენ, ხომ გასაგებია, ვის ჯიბეში წავა აქედან აღებული მილიონები", - თქვა ვაშაძემ.
