როგორც ყველა ნორმალური ადამიანის, საპატრიარქოს პოზიციაც ისეთია, ადამიანებს მოწევისთვის არ უნდა იჭერდნენ, - ამის შესახებ საქართველოს მართლმადიდებელი ეკლესიის პატრიარქის ქორეპისკოპოსმა იაკობმა საპატრიარქოს მიერ ორგანიზებულ კონფერენციაზე სახელწოდებით – “ნარკოპოლიტიკა საქართველოში – გამოწვევები და საერთაშორისო გამოცდილება” განაცხადა
მისი თქმით, ნარკომომხმარებლებს სჭირდებათ სახელმწიფოს დახმარება.
"ისიც ეყოფა, რომ ეწევა და უნდა დავეხმაროთ, შესაბამისი მკურნალობა უნდა მიიღოს სახელმწიფოსგან. ნარკომანები ძალიან საშიში ხალხია. თუ გაიხსენებთ, ცოლები გადაყავდათ და წამალში ცვლიდნენ. ამას სერიოზული დაფიქრება უნდა. იძულებით არაფერი გამოვა, თვითონ უნდა მოინდომოს ადამიანმა", - განაცხადა ქორეპისკოპოსმა.
