აბსოლუტურად ვიზიარებ შინაგან საქმეთა სამინისტროს პოზიციას, რომ მარიხუანას მოხმარებასთან დაკავშირებული რეგულაციები გამკაცრდეს, – ამის შესახებ საპარლამენტო უმრავლესობის წევრმა მარიამ ჯაშმა განაცხადა.
„აბსოლუტურად ვიზიარებ შინაგან საქმეთა სამინისტროს პოზიციას, რომ მარიხუანას მოხმარებასთან დაკავშირებული რეგულაციები გამკაცრდეს. რაც საკონსტიტუციო სასამართლოს გადაწყვეტილების შემდეგ საპასუხო ზომაა. მეორე კომპონენტი, რომელსაც დეტალურად ჯერ არ ვიცნობთ, რამდენადაც ჯერ ფორმალურად საკანონმდებლო ინიციატივის საზოგადოებისთვის გაცნობა არ მომხდარა და ჩვენთვისაც არაერთი დეტალი უცნობია. რაც ეხება რეგულაციებს, რომლითაც შესაძლებელია საქართველოში კანაფის ნედლეულის წარმოება და შემდგომი ექსპორტი მოხდეს, ვიდრე ჩემთვის დეტალურად არ იქნება ცნობილი ყველა არგუმენტი, ეს ინიციატივა არის ნაჩქარევი და რისკებს შეიცავს”, – განაცხადა მარიამ ჯაშმა, რომელმაც აქვე აღნიშნა, რომ უნდა გავითვალისწინოთ ოკუპაციის რეჟიმთან დაკავშირებული რისკები. მისივე თქმით, ოკუპაციის რეჟიმში აღსრულების მექანიზმებთან დაკავშირებით ბუნებრივია, რისკები რჩება.
