აგვისტოში ჩრდილოეთ კავკასიაში 30-ზე მეტი ბანდიტია მოკლული. ამის შესახებ დიმიტრი მედვევდევს რუსეთის ფედერალური სამსახურის დირექტორმა ალექსანდრ ბორტნიკოვმა სამუშაო შეხვედრისას განუცხადა.
"აგვისტოში ჩატარდა რიგი სპეციალური ოპერაციები და ოპერატიულ-საბრძოლო ღონისძიება ბოევიკების წინააღმდეგ, რომლებიც ჩრდილოეთ კავკასიის ტერიტორიაზე იატაკქვეშეთში მოქმედებდნენ. ჩატარებული სამუშაოს შედეგად განადგურებულია 30-ზე მეტი ბანდიტი და მათი ხელმძღვანელები. აღმოღებულია დიდი რაოდენობის ცეცხლსასროლი იარაღი და ასაფეთქებელი მოწყობილობა. ასევე, ჩვენ შევძელით აღგვეკვეთა რიგი ტერაქტები", - განაცხადა ბორტნიკოვმა.
მან ხაზგასმით აღნიშნა, რომ შესაძლებელი გახდა დაღესტნის იატაქვეშეთს ლიდერის ვაგაბოევის ლიკვიდაცია, რომელიც უშულოდ იყო დაკავშირებული მოსკოვის მეტროპოლიტენში მომხდარ აფეთქებებთან.
მედევედევმა ბორტნიკოვის მოხსნებას "კარგი შედეგი" უწოდა და განაცხადა, რომ ბანდიტებისთვის საკმაოდ მგრძნობიარე დარტყმაა მიყენებული.
"რასაკვირველია, ეს სამუშაო აღნიშნული მიმართულებით უნდა გაგრძელდეს", - განაცხადა რუსეთის პრეზიდენტმა.
ბადფორმირების განადგურებასთან დაკვიშირებით მან ასევე აღნიშნა, რომ ეს არის კანონზომიერი პასუხი დანაშაულებრივ ქმედებებზე.
"სწორედ ამიტომ, როდესაც მოსკოვის მეტროში ტერაქტი მოხდა, მე განვაცხადე, რომ ისინი ყველანი უნდა დაისაჯაონ და ყველა უნდა განადურდეს. მხოლოდ ასე უნდა მოვიქცეთ და არავითარი ცერემონიები საჭირო არ არის", - აღნიშნა მედვედევმა.
ამასთან, პრეზიდენტმა მედევდევმა სპეცოპერაციაში მონაწილე ძალოვანი უწყებების წარმომადგენელების სახელმწიფო ჯილდოებზე წარდგენა მოითხოვა.
