დღეს, 25 აგვისტოს, 11:45 საათზე, საქართველოს პრემიერ-მინისტრი ნიკოლოზ გილაური IFC-ის პირველ პირს შეხვდება.
გილაურისა და IFC-ის ხემძღვანელისა და აღმასრულებელი ვიცე-პრეზიდენტის, ლარს ფანელის შეხვედრა სახელმწიფო კანცელარიაში შედგება, სადაც მხარეები სამომავლო გეგმებზე ისაუბრებენ. შეხვედრის შემდეგ კი გილაური და ფანელი ერთობლივ ბრიფინგს გამართავენ.
საერთაშორისო საფინანსო კორპორაცია (IFC) მსოფლიო ბანკის ჯგუფის წევრია, რომელიც ეხმარება ხალხს სიღარიბის დაძლევასა და ცხოვრების პირობების გაუმჯობესებაში. ორგანიზაციაში განმარტავენ, რომ ისინი ეხმარებიან განვითარებად ქვეყნებს კერძო სექტორის განვითარებაში.
2009 ფისკალურ წელს ორგანიზაციის მიერ მსოფლიოში განხორციელებულმა ინვესტიციამ 14,5 მილიარდი აშშ დოლარი შეადგინა, რითაც ფინანსური კრიზისის პირობებში განვითარებად ქვეყნებში კაპიტალის შედინებას შევუწყვეს ხელი.
