სამწუხაროდ, აღმოჩნდა, რომ მერაბ მორჩაძის ჯანმრთელობის შესახებ ინფორმაცია არასაკმარისი აღმოჩნდა ბრალდების მხარისთვის და სასამართლოსთვის, - განაცხადა ჟურნალისტებთან ხორავას ქუჩაზე მომხდარი მკვლელობის საქმეში მოწმეზე ზემოქმედების ბრალდებით დაკავებული მერაბ მორჩაძის ადვოკატმა, გაგი მოასიაშვილმა.
როგორც ის განმარტავს, დაცვის მხარე ყველანაირად შეეცდება, დაამტკიცოს მისი დაცვის ქვეშ მყოფის, მერაბ მორჩაძის უდანაშაულობა.
"სამწუხაროდ, აღმოჩნდა, რომ მერაბ მორჩაძის ჯანმრთელობის შესახებ ინფორმაცია არასაკმარისი აღმოჩნდა ბრალდების მხარისთვის და სასამართლოსთვის. მერაბ მორჩაძეს ჯანმრთელობის პრობლემები აქვს და სამედიცინო დოკუმენტაცია საკმარისი არ აღმოჩნდა იმისთვის, რომ სასამართლოს მიეღო გადაწყვეტილება გირაოს შეფარდებასთან დაკავშირებით. ცალსახად იკვეთება ის გარემოება, რომ პირის ჯანმრთელობის მდგომარეობაზე არავინ ზრუნავს და ეს სამწუხარო ფაქტია. ჩვენ შევეცდებით, რომ ამ მიმართულებით კანონიერი და სამართლიანი პოზიცია შევინარჩუნოთ და ბოლომდე ვიბრძოლოთ. რაც შეეხება სამართლიან დასაბუთებას, დაცვის მხარეს მიაჩნია, რომ ობიექტურ დასაბუთებას ადგილი არ აქვს. ჩვენ დაცვის მხარე მოტივირებული ვართ, დავადასტუროთ, თუნდაც საქმის არსებითი განხილვის ეტაპზე,მერაბ მორჩაძის უდანაშაულობა",- განაცხადა გაგი მოსიაშვილმა.
მერაბ მორჩაძე მოწმეზე ზემოქმედების ფაქტზე მიმდინარე გამოძიების ფარგლებში მოპოვებული ახალი მტკიცებულებების გათვალისწინებით, სისხლის სამართლის კოდექსის 372-ე მუხლით, 8 ივნისს დააკავეს.