2009 წელს საქართველოში განხორციელებული პირდაპირი უცხოური ინვესტიციების მოცულობამ 658 მლნ. აშშ დოლარი (დაზუსტებული მონაცემებით) შეადგინა, რაც 58%-ით ნაკლებია 2008 წლის მონაცემებთან შედარებით. "საქსტატის" ინფორმაციით, 2008 წელს საქართველოში 1 მლრდ. 564 მლნ. დოლარის პირდაპირი უცხოური ინვესტიცია განხორციელდა.
სტატისტიკის ეროვნული სამსახურის ინფორმაციით, 2009 წელს უმსხვილესი ინვესტორი ქვეყნების წილმა საქართველოში განხორციელებული პირდაპირი უცხოური ინვესტიციების 62 პროცენტი შეადგინა.
სტატისტიკური ინფორმაციის თანახმად, 2009 წელს საქართველოს ნომერ პირველი ინვესტორი ქვეყანა არაბეთის გაერთიანებული ემირატებია, რომელმავც გასულ წელს ქვეყანაში 162,8 მლნ. ლდოლარის ინვესტიცია განახორციელა. ინვესტიციების მოცულობის კუთხით, ნომერ მეორე ინვესტორი, თურქეთია, საიდანაც საქართველოში 97,9 მლნ. დოლარის ინვესტიციაა განხორციელებული. 2009 წელს პანამამ საქართველოში 74,7 მლნ. დოლარის კაპიტალი დააბანდა, მაშინ როდესაც გაერთიანებულმა სამეფომ საქართველოში 72,3 მლნ. დოლარის ინვესტიცია განახორციელა.
ეკონომიკური სექტორების მიხედვით, 2009 წელს ინვესტორებისათვის ყველაზე მეტად უძრავი ქონების სექტორი აღმოჩნდა, სადაც გასულ წელს 147,4 მლნ. დოლარის ინვესტიცია ჩაიდო, რაც მთლიანი ინვესტიციის 22,4 %-ია.
ინვესტორებისათვის მიმზიდველი აღმოჩნდა ასევე მრეწველობის(21,2%), მშენებლობლობის (16%), ტრანსპორტი და კავშირგაბმულობის (15%) სექტორები.