სარეკონსტრუქციო სახლის ნაწილი ჩამოინგრა დღეს პრაღის ცენტრში. მაშველებმა ნანგრევებიდან სამი ადამიანი გამოიოყვანეს. სავარაუდოდ კიდევ ორიდან ოთხამდე ადამიან ეძებენ ნანგრევებში სამაშველო ძაღლების საშუალებით. ამის შესახებ ჟურნალისტებს ქალაქის პოლიციის ხელმძღვანელმა განუცხადა.
"არსებული სახლი რეკონსტრუქციას ექვემდებარებოდა. ერთ-ერთ სართულზე მოხდა დღეს სახურავის ჩამოვარდნა, დაახლოებით 5-10 მეტრის სიმაღლიდან. დაშავდა რამდენიმე მუშა. სამი მათგანი სახანძროს მაშველებმა უკვე ამოიყვანეს ნანგრევებიდან. მედიცინის მუშაკებმა აღმოუჩინეს სამედიცინო დახმარება. სამივე მძიმე მდგომაერეობაში იმყოფება. ერთ-ერთი მათგანი უგონო მდგომარეობაშია. ყველანი პრაღის საავადმყოფოში არიან გადაყვანილები" - ნათქვამია პოლიციის განცხადებაში.
ამავე ინფორმაციაზე დაყრდნობით, ორიდან ოთხ ადამიანამდე შესაძლოა ნანგრევებში იყოს მოქცეული. სახანძროს და საგანგებო სიტუაციების სამსახურის თანამშრომლები ფრთხილად ატარებენ სამძებრო ოპერაციას. მასში ჩართულები არიან კინილოგებიც. სამძებრო ძაღლების დახმატრებით ხდება ოპერაციის შესრულება.
ქალაქის პოლიციამ უკვე გადაკეტა მიმდებარე ქუჩები. შეზღუდულია მოძრაობა ეროვნულ მოედანზეც.
