აშშ-ის პრეზიდენტმა დონალდ ტრამპმა განაცხადა, რომ ჰელსინკის სამიტის ფარგლებში ის რუსეთის პრეზიდენტთან ვადიმერ პუტინთან განიხილავს უკრაინის, სირიის და ბირთვული იარაღის გაუვრცელებლობის საკითხს.
მან აღნიშნა, რომ პუტინთან შეხვედრა გაიმართება "ნატოს შესანიშნავი სამიტის" შემდეგ.
"ჩვენ ვილაპარაკებთ პრეზიდენტ პუტინთან რიგ საკითხებზე: უკრაინა, სირია და ახლო აღმოსავლეთის სხვა ნაწილებზე, ასევე ვისაუბრებთ ბირთვულ გაუვრცელებლობაზე" - განაცხადა მან დიდი ბრიტანეთის პრემიერ მინისტრთან ტერეზა მეისთან გამართულ ერთობლივ პრესკონფერენციაზე.
ბირთვული იარაღის გაუვრცელებლობაზე საუბრისას ტრამპმა აღნიშნა, რომ „ეს დამანგრეველი ტექნოლოგიებია“. „ეს ძალიან ცუდი პოლიტიკაა. ჩვენ არ გვაქვს არჩევანი. ჩვენ განვიხილავთ ბირთვულ გაუვრცელებლობას. დიდი მიღწევა იქნება, თუკი შევძლებთ რამე გავაკეთოთ ბირთვული გაუვრცელებლობისთვის“ - ხაზი გაუსვა ტრამპმა.
ცნობისთვის, აშშ-ის და რუსეთის პრეზიდენტები ერთმანეთს 16 ივლისს ჰელსინკში შეხვდებიან.
