თბილისში, ავტობუსში დაჭრილი 17 წლის მოზარდის მდგომარეობა მძიმეა. ამის შესახებ ზოგადი ქირურგიული დეპარტამენტის უფროსი ლექსო ლაგვილავა აცხადებს.
მოზარდს ოპერაცია რეგიონულ ჰოსპიტალში ჩაუტარდა, ის მძიმე მდგომარეობაში რეანიმაციაში იმყოფება. 17 წლის მოზარდს კუჭი და პანკრეასი აქვს დაზიანებული.
"პაციენტი მოყვანილი იყო სასწრაფო დახმარების ბრიგადის მიერ მუცლის ღრუში შემავალი ჭრილობის და ჰემორალური შოკის დიაგნოზით. ჩაუტარდა ოპერაცია. დაზიანებული იყო კუჭი, პანკრეასი, იყო ასევე კუჭის გამჭოლი ჭრილობა, ასევე იყო პანკრეასის ქვედა კიდის გამჭოლი ჭრილობა. გაიკერა კუჭი, პანკრეასი და დაზიანებული სხვა ორგანო. შეჩერდა სისხლდენა. სისხლის დანაკარგი დაახლოებით 2 ლიტრამდეა. მძიმეა მდგომარეობა პაციენტის, გადაყვანილია რეანიმაციაში", - აცხადებს ლაგვილავა.
ცნობისთვის, 17 წლის მოზარდი თბილისში დღეს დაჭრეს.
არსებული ინფორმაციით, მოზარდს ცივი იარაღით ჭრილობა მუცლის არეში აქვს მიყენებული.
შს სამინისტროს ინფორმაციით, მომხდარზე გამოძიება 19-109-ე მუხლით მიმდინარეობს, რაც განზრახ მკვლელობის მცდელობას გულისხმობს.
