31 მაისს, საპატრულო პოლიციის თანამშრომლის მიერ მოკლული მამუკა გაგნიძის მეუღლე, რომელიც ინციდენტის დროს თავადაც დაიჭრა, პოლიციას გულგრილობაში ადანაშაულებს.
ელენე ბლაგოდარნაიას განცხადებით, საპატრულო ეკიპაჟმა, რომელიც თავის დაცვის მიზნით გამოიძახა, მოძალადის განეიტრალება არ მოახდინა.
მისი თქმით, მას შემდეგ, რაც ის დაიჭრა, პატრულის ორმა თანამშრომელმა სასწრაფო დახმარების ბრიგადა დროულად არ გამოიძახა.
„პატაკის ჩაბარების დროს ძალიან ნაგლად და გულგრილად მიმართავს თავის მეწყვილეს და სთხოვს, რომ ერთი გახედეო რას იხრჩობაო მანდო, მამუკა გაგნიძის მისამართით პატრულის თანამშრომელი. ჩემთან ხომ არავინ მოსულა საერთოდ. არც პირველადი დახმარება აღმოუჩენიათ, არც გამოუხედიათ ჩემსკენ საერთოდ სასწრაფოს მოსვლამდე“, -განაცხადა ელენე ბლაგოდარნაიამ.
ელენე ბლაგოდარნაიას ადვოკატის განცხადებით, ელენე ბლაგოდარნაიამ საპატრულო პოლიცია გამოიძახა დაცვის მიზნით. მისივე თქმით, მიუხედავად ამისა მთელი ნახევარი საათი, რაც ვიდეოზე ჩანს სამხრე კამერაში, პატრული დაკავებული იყო ელენეს სექუალური ცხოვრების გარჩევით და პარტნიორებზე საუბრით და ის არ დაინტერესებულა კონკრეტული ქმედითი ნაბიჯებით.
"საფარში", რომელიც ელენეს ინტერესებს იცავს, ამბობენ, რომ ამ ეტაპზე მოძალადე პოლიციელების წინააღმდეგ ქმედითი ნაბიჯები არ გადადგმულა.
შეგახსენებთ, 31 მაისს, წერეთლის გამზირზე პოლიციის მოქმედმა თანამშრომელმა ელენე ბლაგადარნაიას მისსავე საცხოვრებელ სახლში ესროლა, მისი ყოფილი მეუღლე კი, მოკლა.
