"გირჩი" იყო ერთადერთი პარტია, რომელიც ამბობდა, რომ ჯანდაცვის მსოფლიო ორგანიზაციის მიერ 2016 წელს გამოქვეყნებული კვლევა, სიმართლეს არ შეესაბამებოდა, - ამის შესახებ პარტიის ლიდერმა, ზურა ჯაფარიძემ განაცხადა.
WHO-ს მიერ გამოქვეყნებულ ანგარიშში ეწერა, რომ საქართველოს ჰაერი იმდენად მომაკვდინებელი იყო, რომ მსოფლიოს მასშტაბით ყველაზე მეტ დაავადებასა და სიკვდილიანობას იწვევდა.
ჯაფარიძის თქმით, კვლევის შედეგების უარყოფის გამო, "გირჩი" მაშინ ბევრმა ადამიანმა გააკრიტიკა, თუმცა, როგორც WHO-ს მიერ დღეს გამოქვეყნებულ ანგარიშში წერია, პარტია მართალი აღმოჩნდა.
"გირჩი იყო ერთადერთი, ვინც საჯაროდ ამბობდა, რომ კვლევის ის შედეგები [2016 წლის] სისულელე იყო. ბევრი გინება მივიღეთ, თუმცა მართლები აღმოვჩნდით. ეს კარგი მაგალითია იმისთვის, თუ რატომ არ უნდა გვჯეროდეს ბრმად საერთაშორისო ორგანიზაციების. მთავარი საღი აზრია და არა - "საერთაშორისო ავტორიტეტი", - წერს გირჩის პრეზიდენტობის კანდიდატი, ზურა ჯაფარიძე.
