ბრიტანეთის მთავრობიდან თანმიმდევრობით მინისტრების გადადგომა, რომელიც უკავშირდება ტერეზა მეის კაბინეტში არსებულ უთანხმოებას, შესაძლოა მიიყვანოს დიდი ბრიტანეთი Brexit-ის მეორე რეფერენდუმამდე. თუმცა თავად პრემიერ მინისტრი ამის შესაძლებლობას გამორიცხავს.
"ახალი რეფერენდუმი შესაძლებელია, მას შეუძლია ბრიტანეთის ამომრჩევლებს მისცეს შანსი შეცვალონ თავიანთი 2016 წლის გადაწყვეტილება“ - აცხადებს ევროსაბჭოს ყოფილი მრჩეველი პაოლო ფონ შირაკი.
თავად ტერეზა მეიმ 9 ივლისს პარლამენტში სიტყვით გამოსვლის დროს ხაზი გაუსვა, რომ წინააღმდეგია განმეორებითი არჩევნების ჩატარების. ამას ძირითადად ლეიბორისტული პარტია მოითხოვს, ხოლო ტერეზა მეი კონსერვატიულ პარტიას მიეკუთვნება.
მაისთან დაპირისპირების გამო თანამდებობა დატოვეს საგარეო საქმეთა მინისტრმა ბორის ჯონსონმა და Brexit-ის საქმეში მინისტრმა დევიდ დევისმა.
ცნობისთვის, დიდი ბრიტანეთის ევროკავშირიდან გასვლის შესახებ რეფერენრუმო 2016 წელს ჩატარდა. მისი მომხრე იყო მოსახლეობის 51,9%. დიდმა ბრიტანეთმა ევროკავშირი 2019 წლის 29 მარტამდე უნდა დატოვოს.
