თბილისში, სპეცოპერაციისას ნარკოტიკების გასაღების საქმეზე დაკავებული 8 პირის პროცესი ბრალდების მხარემ ცალ-ცალკე წარმოებად გამოყო. როგორც ერთ-ერთი ბრალდებულის ადვოკატი, გიორგი სიმონიშვილი აცხადებს, აღნიშნული მართლმსაჯულების დაჩქარების მიზნით მოხდა.
ამასთანავე, ადგოკატი აცხადებს, რომ დღევანდელ სხდომაზე აღკვეთის ღონისძიების პატიმრობის შეცვლასთან დაკავშირებით შუამდგომლობას დააყენებს.
"დღეს გაიმართება წინა სასამართლო სხდომა, სადაც გადაწყდება მტკიცებულებათა
დასაშვებობის საკითხი. დაცვის მხარეს ასევე, გვექნება შუამდგომლობა აღკვეთის ღონისძიების გადასინჯვასთან დაკავშირებით და დავაყენებთ შუამდგოობას გირაოთი გათავისუფლებასთან დაკავშირებით", - განაცხადა სიმონიშვილმა.
მისი დაცვის ქვეშ მყოფს ბრალის სსკ-ის 260-ე მუხლის მე-5 ნაწილით აქვს წარდგენილი, რაც ნარკოტიკული საშუალებების შეძენა-შენახვა-გასაღებას გულისხმობს.
