ბათუმში, 14 ივნისს უზბეკი ქალის მიერ ცემით მოკლული მეგობრის შვილი, 4 წლის გოგო დღემდე პროზექტურაში რჩება. როგორც ირკვევა, მისი დაკრძალვა აქამდე არავის მოუთხოვია.
შინაგან საქმეთა სამინისტროში აცხადებენ, რომ უწყებას ამ დრომდე აქვს კომუნიკაცია გარდაცვლილი ბავშვის დედასთან, რომელიც ბათუმში ჩასვლას აქამდე ვერ ახერხებს. გავრცელებული ინფორმაციით, ის თურქეთშია.
როგორც უწყებაში განმარტავენ, 4 წლის გოგოს ვერ დაკრძალავენ, სანამ ამაზე დედის ან მინდობილი პირის თანხმობა არ იქნება.
ბათუმში უზბეკმა ქალმა მცირეწლოვანი ბავშვი ცემით 14 ივნისს მოკლა და ცხედარი პოლიციის განყოფილებაში მიიტანა. მკვლელობაში ბრალდებულ ქალს სასამართლომ 15 ივნისს პატიმრობა შეუფარდა.
