ხორავას ქუჩაზე მომხდარი მკვლელობის საქმეზე შექმნილი პარლამენტის დროებითი საგამოძიებო კომისია დღეს შსს-ს წარმომადგენლების დაკითხვას დაასრულებს, რის შემდეგაც პირველი ექსპერიმენტული სკოლისა და 51-ე სკოლის დირექტორების დაკითხვას დაიწყებს.
როგორც კომისიის წევრი, სოფიო კილაძე აცხადებს, მას შემდეგ რაც მოისმენენ ყველა ინფორმაციას, კონკრეტული კითხვის ნიშნები რაც დარჩებათ, დასკვნაში ასახავენ.
„კითხვები რაც იყო ჩვენი მხრიდან დასმული, თითქმის ყველაზეა გაცემული ამომწურავი პასუხი. ოპოზიციას აქვს გარკვეული კითხვები, რომელსაც ალბათ, მოვისმენთ. თუკი გამოიკვეთება საკითხები, რომელიც ჩვენთვის საინტერესო იქნება, ბუნებრივია, ჩვენ ამაზე კითხვებს დავსვამთ. მას შემდეგ რაც მოვისმენთ ყველა ინფორმაციას, კონკრეტული კითხვის ნიშნები რაც დაგვრჩება, ამას ბუნებრივია, ავსახავთ დასკვნაში“, - განაცხადა სოფიო კილაძემ.
