ამერიკელი მილიარდელი და კომპანია SpaceX- ის დამფუძნებელი ილონ მასკი გაგზავნის ტაილანდში ინჟნერთა ჯგუფს, რათა დაეხმაროს მაშველებს, დაკარგული ფეხბურთის გუნდის მოზარდებისა და მათი მწვრთნელის გამოყვანის დაგეგმვაში, რომლებიც ქვეყნის ჩრდილოეთ ნაწილში მდებარე მღვიმეში არიან გამოკეტილი.
ამის შესახებ ინფორმაციას Bloomberg-ი ავრცელებს. კერძოდ დაგეგმილია, რომ ტექნოლოგია, რომელიც მასკს გააჩნია - Space Exploration Technologies Corp დაეხმარება ზედაპირის ქვეშ დაკარგული ადამიანების ზუსტი ადგილმდებარეობის დადგენაში.
გარდა ამისა, ტაილანდში გაგზავნიან ძლიერ დატვირთულ ლათიუმ-იონის აკუმულატორებს - Powerwall, რომელსაც Tesla Motors-ი აწარმოებს, რაც აუცილებელია ამოტუმბვითი სამუშაოების შესრულებისთვის, რომელიც წყალს გამოიტანს მღვიმედან. ამის შესახებ მედიას განუცხადა მასკის ოფიციალურმა წარმომადგენელმა. ჯერჯერობით დაზუსტებული არაა მიიღო თუ არა მასკის შემოთავაზება ტაილანდის ხელისუფლებამ.
თავის Twitter-ზე ილონ მასკმა შესთავაზა ახალი მეთოდი ბავშვების გადარჩენისთვის - გაჭიმონ ბავშვების ადგილსამყოფელამდე ნეილონის მილი და გაბერონ ისინი ჰაერით, რისი საშუალებითაც ისინი შეძლებენ გამოსასვლელამდე მიღწევას.
შეგახსენებთ, რომ 23 ივნისს ტაილანდის ადგილობრივი საფეხბურთო გუნდის 12 მოზარდი და მისი მწვრთნელი გაუჩინარდა. ისინი გაემგზავრნენ 7 კილომეტიან მღვიმეში თამ ლუანგში და მოულოდნელად მოვარდნილი წყლის გამო მოწყდნენ გარესამყაროს.
მხოლოდ ცხრადღიანი ძებნის შემდეგ ყველა მოზარდი და მისი მწვრთნელი იქნა ნაპოვნი, თუმცა ისინ ძალიან იყვნენ დასუსრტებულები შიმშილის გამო. ბავშვებმა მაღალმთიანეთიდან არ იციან ცურვა, ხოლო წყლის დონე უახლოესი დღეების განმავლობაში დაწევას არ აპირებს. გამოყვანის ერთ-ერთ შესაძლებლობად განიხილება მათთვის აკვალანგის დახმარებით ცურვის სწავლება.
