კიევის პოლიცია ლიბიელი დიპლომატის შვილის გამტაცებლებს ეძებს.
როგორც კიევის კომუნიკაციის განყოფილება იტყობინება, მომხდართან დაკავშირებით ინფორმაცია შემოვიდა სამართალდამცავი ორგანოებიდან. „დაახლოებით 12:00 საათზე პოლიციის განყოფილებაში შემოვიდა ინფორმაცია მოწმეებისგან, რომ ორმა უცნობმა პიროვნებამ ძალადობრივი გზით ჩატენა დაუდგენელი პიროვნება მუქი ფერის ავტომანქანაში და ადგილიდან მიიმალა“ - ნათქვამია განცხადებაში.
პოლიცია და სამძებრო ოპერატიული ჯგუფები დაუყონებლივ მივიდნენ ადგილზე და დაკითხეს თვითმხილველები. იძებნება მუქი ლურჯი ფერის „Volkswagen Golf“-ის მარკის ავტომობილი.
წყაროს ინფორმაციით, გატაცებულია ლიბიის საელჩოს ფინანსური ატაშეს ვაჟი.
უკრაინის საგამოძიებო უწყებებმა უკვე აღძრა სისხლის სამართლის საქმე „ადამიანის უკანონოდ თავისუფლების აღკვეთის ან გატაცების მუხლით“.
