ევროკავშირმა და ნატომ გადავწყვიტეს აამაღლონ თანამშრომლობის დონე. ტრანსატლანტიკური ურთიერთობები არ მოქმედებს ამ ორგანიზაციების ერთობლივ თანამშრომლობაზე. განაცხადა ევროკავშირის დიპლომატიის ხელმძღვანელმა ფედერიკა მოგერინმა ალიანსის გენერალურ მდივანთან გამართული კონსულტაციების შემდეგ.
დღეს ლუქსემბურგში გაიმართა ერთობლივი სხდომა ევროკავშირის საგარეო საქმეთა და თავდაცვის მინისტრების, ნატოს გენერალური მდივნის იენს სტოლტენბერგის მონაწილეობით.
„ჩვენ გადავხედეთ გამოწვევებს, რომელსაც დღეს ვაწყდებით ტრანსატლანტიკურ ურთიერთობებში და მათ არ აქვთ კავშირი ჩვენს მუშაობასთან თავდაცვისა და უსაფრთხოების სფეროში“ - განაცხადა მოგერინმა ჟურნალისტებთან საუბრისას.
„ჩვენ ვაწყდებით დიდ გამოწვევებს უსაფრთხოების სფეროში და ეს ითხოვს ჩვენგან მზაობას ერთად მუშაობის. გადავწყვიტეთ კიდევ უფრო გავზარდოთ ურთიერთთანამშრომლობის დონე“ - დასძინა მან.
მანამდე ნატოს გენერალურმა მდივანმა განაცხადა, რომ აშშ ძველებურად ერთგულია ტრანსატლანტიკური ერთიანობის მიმართ და ამერიკული სამხედროების ყოფნა ევროპაში იზრდება.
