იუსტიციის უმაღლესმა საბჭომ 3-წლიანი გამოსაცდელი ვადით დანიშნული შვიდი მოსამართლე უვადოდ გაამწესა.
კენჭისყრის პროცედურაში საბჭოს 13 წევრი მონაწილეობდა.
უვადოდ გამწესებული მოსამართლეები არიან:
ნანა აფციაური – საქალაქო სასამართლოს ადმინისტრაციულ საქმეთა კოლეგია, 12 ხმით, ერთი წინააღმდეგი.
ეკა კულულაშვილი – საქალაქო სასამართლოს სისხლის სამართლის საქმეთა საგამოძიებო, წინა სასამართლო სხდომისა და არსებითი განხილვის კოლეგიის მოსამართლე, 13 ხმით. ამავე პოზიციაზე, დავით კურტანიძე 13 ხმით გამწესდა.
ქეთევან მინაშვილი – საქალაქო სასამართლოს ადმინისტრაციულ საქმეთა კოლეგია, 12 ხმა ერთის წინააღმდეგ.
თამარ ოქროპირიძე – საქალაქო სასამართლოს ადმინისტრაციულ საქმეთა კოლეგია, 13 ხმით.
ანა ჩხეტია – თბილისის საქალაქო სასამართლოს ადმინისტრაციულ საქმეთა კოლეგია, 13 ხმით.
დავით წერეთელი – საქალაქო სასამართლოს ადმინისტრაციულ საქმეთა კოლეგია, 12 ხმით.
აღნიშნულის შესახებ გადაწყვეტილება საბჭომ დღევანდელ სხდომაზე მიიღო.
