ლტოლვილთა და განსახლების სამინისტრო სავარაუდოდ შერიგებისა და თანასწორობის სახელმწიფო მინისტრის აპარატს შეუერთდება.
ლტოლვილთა სამინისტროს ინტრასტრუქტურულ პროექტებს კი რეგიონალური განვითარებისა და ინფრასტრუქტურის სამინისტრო განახორციელებს.
სამთავრობო სტურუქტურის ახალი სავარაუდო ცვლილებების შესახებ დღეს საპარლამენტო უმრავლესობაში საუბრობენ. მათი თქმით, საბოლოო გადაწყვეტილება მიღებული არ არის, თუმცა გუნდში უმრავლესობის აზრი იხრება სწორედ იქითკენ, რომ ცვლილებები ამ მიმართულებით განხორციელდეს.
გარდა ამისა, როგორც ცნობილია, ასევე გაერთიანდება განათლების სამინისტრო და კულტურისა და სპორტის სამინისტროები. სასჯელაღსრულების სამინისტრო კი იუსტიციის სამინისტროს შეუერთდება.
სამთავრობო ცვლილებების შესახებ პროექტი ჯერჯერობით წერილობითი სახით არ არის მომზადებული. თუმცა, ამისთვის მთავრობას სულ რამდენიმე დღე რჩება.
