ხვალ, ხორავას ქუჩაზე მომხდარი მკვლელობის საქმის შემსწავლელი საპარლამენტო საგამოძიებო კომისიის სხდომა გაიმართება, სადაც დაღუპული დავით სარალიძისა და ლევან დადუნაშვილის მშობლებს და მათ ადვოკატებს მოუსმენენ.
ამის შესახებ ინფორმაციას კომისია ავრცელებს. კომისიის სხდომა ხვალ 10:00 საათზე დაიწყება და ზაზა სარალიძეს, დავით დადუნაშვილს და მათ ადვოკატებს: - ნესტან ლონდარიძესა და ხათუნა მაღლაკელიძეს, მოუსმენენ. შეგახსენებთ, რომ კომისიის წევრები ამ დრომდე განაგრძობენ საქმეში არსებული მასალების შესწავლას.
