ევროკომისია მზად არის ფინანსური მხარდაჭერა გაუწიოს ევროკავშირის წევრ იმ ქვეყნებს, რომლებიც განაცხადებენ მზადყოფნას მიიღონ დევნილები, რომლებიც იყოფებიან საბერძნეთისა და იტალიის ტერიტორიაზე. განაცხადა ევროპის კომისარმა მიგრაციის საკითხებში დიმიტრის ავრამოპულოსმა.
"ევროკომისია მზად არის, ფინანსური მხარდაჭერა გაუწიოს მათ, ვისაც სურვილი აქვს განაგრძოს მონაწილეობის მიღება განსახლებაში" - განაცხადა ავრამოპულოსმა ბრიუსელში ჟურნალისტებთან საუბრისას.
ევროკომისიის მონაცემებით, 35 ათასზე მეტი დევნილი, რომელიც იმყოფება საბერძნეთისა და იტალიის ტერიტორიაზე, იქნა გადაყვანილი ევროკავშირის წევრ სხვა ქვეყნებში ევროკავშირის ვალდებულების ფარგლებში.
დევნილების მოთხოვნები თავშესაფარის მოთხოვნის შესახებ განიხილება ე.წ. „ჰოთსტოპებში“ (ცხელი წერტილები) იტალიისა და საბერძნეთის ტერიტორიაზე, საიდანაც მათ მოგვიანებით აგზავნიან ევროკავშირის წევრ ქვეყნებში - „ევროკავშირში გადაადგილებისა და განსახლების“ პროგრამის ფარგლებში.
ცნობისთვის, გარდა მანამდე არესებული 40 ათასი დევნილისა, რომელთაც უკვე მოითხოვეს თავშესაფარი, კიდევ არის 120 ათასი დევნილი, რომლებიც იმყოფებიან ევროკავშირის ტერიტორიაზე.
