ნიუ იორკის შტატის ხელისუფლებამ განაცხად, რომ აპირებს აშშ-ის პრეზიდენტის დონალდ ტრამპის ადმინისტრაციის წინააღმდეგ სარჩელი შეიტანოს, მისი მიგრაციული პოლიტიკის გამო. რაც მექსიკასთან საზღვარზე მიგრანტთა ოჯახების გაყოფას გულისხმობს. აცხადებს ნიუ იორკის შტატის გუბერნატორი ენდრიუ კუომო.
მანამდე გავრცელდა ინფორმაცია, რომ ტრამპი საზოგადოებაში მწვავე დებატების ფონზე განიხილავს რეფორმებს, თუ როგორ უნდა მოხდეს იმიგრაციის ორგანიზება და დასაშვებია თუ არა ბავშვების მშობლებისგან მოშორება, რომლებიც შემოვიდნენ ქვეყანაში არაკანონიერი გზით და უნდა იქნენ ამისთვის დაკავებულები. ტრამპი ამ საკითხზე არაერთხელ გამოხატავდა ურთიერთგამომრიცხავ პოზიციებს - კერძოდ, ის პირობას დებდა, რომ არ განაცალკევებდა ბავშვებს მშობლებისგან და დაიცავდა მათ უფლებებს. ამავე დროის ის აცხადებდა ნულოვან ტოლერანტობას, რომელიც სწორედ ოჯახის გაყოფაზე იქნებოდა მიმართული.
გუბერნატორის განცხადებით, შტატი აგზავნის საჩივარს ფედერალური მთავრობის წინააღმდეგ დროებითი სოციალური დახმარებისა და შეზღუდული შესაძლებლობების მქონე პირთა, ჯანმრთელობისა და ჯანდაცვის სამინისტროსა და ბავშვთა და საოჯახო საქმეების დეპარტამენტში სარჩელის შეტანის თაობაზე.
"ჩვენ არ დავუშვებთ, რომ ფედერალურმა მთავრობამ დაარღვიოს ბავშვთა და მათი მშობლების კონსტიტუციური უფლებები. ნიუ იორკის შტატი იმოქმედებს და შეიტანს სარჩელს რათა ბოლო მოუღოს ამ უგულო და განზრახ თავდასხმას მიგრანტებზე“ - განაცხადა კუომომ.
