ხორავას ქუჩაზე არასრულწლოვნებს შორის მოხმდარი მკვლელობის საქმეზე ერთ-ერთი მსჯავრდებულის გ.ბ.-ს ადვოკატი ინგა შარაძენიძე ლევან დადუნაშვილის მკვლელობის ეპიზოდზე უცხოეთში ექსპერტიზის ჩატარებას ითხოვს.
არასრულწლოვანი მსჯავრდებულის ადვოკატი მოსამართლის განაჩენის სამოტივაციო ნაწილს დაუსაბუთებლად მიიჩნევს და მას სააპელაციო სასამართლოში ასაჩივრებს.
მოზარდების საქმეზე თბილისის საქალაქო სასამართლოს განაჩენის სამოტივაციო ნაწილი მხარეებს გუშინ ჩაბარდათ.
100-გვერდიან დოკუმენტს საქმის ადვოკატების ნაწილი ამ დრომდე ეცნობა და ამ არგუმენტით, მედიასთან მოსამართლე ეკა არეშიძის გადაწყვეტილების შეფასებისგან თავს იკავებენ.
ცნობისთვის, პირვველ დეკემბერს, ხორავას ქუჩაზე მოზარდებს შორის სისხლიან დაპირისპირებას ორი არასრულწლოვნის, ლევან დადუნაშვილისა და დავით სარალიძის სიცოცხლე ემსხვერპლა.
არასულწლოვანის, ლევან დადუნაშვილის განზრახ მკვლელობაში დამნაშავედ ცნობილ გ.ბ-ს სასამართლომ 10 წელი 6 თვე მიუსაჯა, ხოლო დამამძიმებელ გარემოებაში არასრულწლოვან დავით სარალიძის განზრახ მკვლელობის მცდელობაში ბრალდებულ გ.ჯ.-ს 9 წელი და 9 თვე მიესაჯა.
სასამართლოს ამ გადაწყვეტილებით, სარალიძის მკვლელობაში დამნაშავე პირი დაუდგენელია. სწორედ ამას აპროტესტებს მოკლულის მამა, ის დამნაშავეების დასჯას ითხოვს.
