თბილისში, ვაჟა-ფშაველას გამზირზე, დაახლოებით, 06:30 საათზე, ტექნიკის ერთ-ერთი მაღაზია გაქურდეს.
სათვალთვალო კამერების ჩანაწერებში ჩანს, რომ ქურდობა სავარაუდოდ, არასრულწლოვნებმა ჩაიდინეს, მათ ქვებით ჩაამსხვრიეს შესასვლელი მინის კარი, მაღაზიაში კი ერთ წუთზე ნაკლები დაყვეს. მაღაზიიდან წაღებულია 13 მობილური ტელეფონი და ნავაჭრი თანხა.
მომხდარზე გამოძიება სსკ-ის 177-ე მუხლით მიმდინარეობს, რაც ქურდობას გულისხმობს. ქურდობაში დამნაშავეები ჯერ არ დაუკავებიათ, ტარდება აქტიური საგამოძიებო მოქმედებები.
