თბილისში, რუსთაველის გამზირზე მიმდინარე აქციის მონაწილეებმა კარვები საავტომობილო გზაზე გადაიტანეს.
აქციის მონაწილეებს ამ თხოვნით ზაზა სარალიძემ მიმართა.
მისი თქმით, ის მარტო გააგრძელებს პროტესტს რუსთაველის გამზირზე.
„სისტემამ გადაწყვიტა ჩვენი განადგურება, ამიტომ აქ მინდა მოვუხმო ჩემს რამდენიმე მეგობარს, დაგვეხმაროს კარვების გზაზე გადატანაში. ჩვენ მარტო გავაგრძელებთ ბრძოლას. გადაწყვიტეს განადგურება, მაშინ დაგვხოცონ იქ. მე ჩემი შვილის გულისთვის თავს გავწირავ. მეგობრებო, დაგვეხმარეთ კარვების გადატანაში“,- განაცხადა ზაზა სარალიძემ.
