ჩემს მეუღლეს დაჰყვებიან სუს-ის თანამშრომლები ბაზარში, გარეთ, კარში, სირცხვილია, უბრალოდ, სირცხვილია, - ამის შესახებ ხორავას ქუჩაზე მოკლული დავით სარალიძის მამამ, ზაზა სარალიძემ რუსთაველის გამზირზე მიმდინარე აქციაზე განაცხადა.
„მივმართავ ქუთაისის ადმინისტრაციას, რომლებიც პირდაპირ მიდიან და ჩემი ოჯახის წევრებს რაღაც მოთხოვნებს უყენებენ. ვაფრთხილებ ყველას, არ გაეკარონ ჩემი ოჯახის წევრებს. ჩემს მეუღლეს დაჰყვებიან სუს-ის თანამშრომლები ბაზარში, გარეთ, კარში, სირცხვილია, უბრალოდ, სირცხვილია. კაცები ხართ თუ ვინ ხართ? ქალს რაღას დასდევთ? კაი, მე დამდევთ, მაგრამ ქალს რაღას დასდევთ, იქნებ რისი ყიდვა უნდა ქალს? არ გრცხვენიათ? ან შვილები არ გყავთ, ან დედები? რა ჯანდაბაა, ვეღარ ვხვდები უკვე, რა უნდათ“, - აღნიშნა ზაზა სარალიძემ.
ცნობისთვის, თბილისში, რუსთაველის გამზირზე ზაზა სარალიძისა და მალხაზ მაჩალიკაშვილის მხარდამჭერი აქცია მიმდინარეობს.
