ხორავას ქუჩაზე მოკლული დავით სარალიძის მამა, ზაზა სარალიძე იუსტიციის მინისტრის, თეა წულუკიანის გადადგომის მოთხოვნას უერთდება.
ამის შესახებ მან პარლამენტის შენობის წინ მიმდინარე აქციაზე განაცხადა.
სარალიძის თქმით, თეა წულუკიანმა არ უნდა აირჩიოს ახალი პროკურორი.
მისივე განცხადებით, პროკურორად ისეთი ადამიანი უნდა დაინიშნოს, რომელსაც საზოგადოების მაღალი ნდობა ექნება.
ცნობისთვის, თბილისში, რუსთაველის გამზირზე ზაზა სარალიძისა და მალხაზ მაჩალიკაშვილის მხარდამჭერი აქცია მიმდინარეობს.
