ნატო და ევროკავშირი ივნისში დაგეგმილ სამიტზე გეგმავს ხელი მოაწეროს ახალ დეკლარაციას, რომელიც მოწოდებულია მათი თანამშრომლობის გაფართოებისკენ.
ამის შესახებ განცხადება დღეს ალიანსის გენერალურმა მდივანმა იან სტოლტენბერგმა თავდაცვის მინისტრების პირველი პლენარული სხდომის გახსნისას განაცხადა.
„ივნისში დაგეგმილ სამიტზე ჩვენ ვაპირებთ ხელი მოვაწეროთ ახალ დეკლარაციას ევროკავშირსა და ნატოს შორის ურთერთობების გაფართოების შესახებ“ - განაცხადა სტოლტენბერგმა და აღნიშნა, რომ პირველ მსგავს დეკლარაციას 2016 წელს, ვარშავის სამიტზე მოეწერა ხელი.
შეგახსენებთ, რომ ნატოს სამიტი 11 ივნისს გაიმართება.
