პრემიერ-მინისტრმა ბინიამინ ნეთანიაჰუმ განაცხადა, რომ ისრაელი არ დაუშვებს ირანი ფლობდეს ბირთვუილ იარაღს. მისი ეს განცხადება "Twitter"-ზეა განთავსებული. ეს იყო პასუხი ირანის უმაღლესი ლიდერის აიათოლა, ალი ხამენეის მიმართ, რომელმაც განაცხადა ურანის 190 ათასი ერთეულით გამდიდრების შესახებ და ხაზი გაუსვა, რომ ირანს არ შეუძლია ერთდროულად იყოს სანქციების და ბირთვული ზედამხედველობის ქვეშ.
„ხამენეიმ განაცხადა, რომ მას სურს დაამხოს ისრაელის სახელმწიფო. გუშინ კი ახსნა თუ როგორ აპირებდა ამას - ურანის შეუზღუდავი გამდიდრების ხარჯზე, რათა აწარმოოს ატომური იარაღის არსენალი. ჩვენ ეს არ გვიკვირს. არ მივცემთ საშუალებას ირანს ბირთვული იარაღის ფლობის“ - განაცხადა ბინიამინ ნეთანიაჰუმ.
ცნობისთვის, აშშ-მა მაისში განაცხადა ირანის ბირთვული პროგრამიდან გასვლის შესახებ და განაახლა სანქციები. მაისის ბოლოს აშშ-ის სახელმწიფო მდივანმა, მაიკ პომპეომ ირანს წაუყენა 12 მოთხოვნა. მან განაცხადა, რომ თეთრი სახლი ამზადებს უმკაცრეს სანქციებს ისტორიაში და გამოიყენებს მას, თუკი თეირანი არ შეასრულებს მოთხოვნებს. ამის შემდეგ აიათოლა ხამენეის საიტზე იქნა გამოქვეყნებული საპასუხო მოთხოვნები. მათ შორის გარანტიები ევროპული ბანკების მხრიდან ირანთან სავაჭრო ურთიერთობების გაგრძელების შესახებ და გარანტიები ევროპული მხარის მხრიდან ირანული ნავთობის გაყიდვის თაობაზე.
