გვატემალაში ვულკან "ფუეგოს" ამოფრქვევის შედეგად გარდაცვლილთა რიცხვი 69 ადამიანამდე გაიზარდა. მანამდე ვრცელდებოდა ინფორმაცია 25 გარდაცვლილის შესახებ.
გარდაცვლილთაგან მხოლოდ 17 ადამიანის იდენტიფიკაცია მოხდა.
შეგახსენებთ, რომ ვულკანი "ფუეგო" ორი დღის წინ გააქტიურდა. შემთხვევის შედეგად 3 ათასზე მეტი ადამიანის ევაკუაცია მოხერხდა. ტრაგედია საერთო ჯამში შეეხო 1,7 მილიონ ადამიანს ქვეყნის 16,6 მილიონი მაცხოვრებლიდან. უკანასკნელი მონაცემებით, 653 ადამიანი დროებით თავშესაფარშია მოთავსებული.
