პრემიერი შეხვდება ზაზა სარალიძეს, მალხაზ მაჩალიკაშვილს, მათ ადვოკატებს და ამ შეხვედრას დაესწრებიან შს მინისტრი და ომბუდსმენი, - ამის შესახებ მთავრობის ადმინისტრაციის ხელმძღვანელმა შალვა თადუმაძემ განაცხადა.
მისი თქმით, შს მინისტრისა და სახალხო დამცველის დასწრება სარალიძის მოთხოვნა იყო.
„პრემიერ-მინისტრი შეხვდება ზაზა სარალიძის ოჯახს და მის ადვოკატს. ასევე შეხვდება მალხაზ მაჩალიკაშვილს და მის ადვოკატს. მათი მოთხოვნით, აღნიშნულ შეხვედრას დაესწრება შინაგან საქმეთა მინისტრი გიორგი გახარია და სახალხო დამცველი ნინო ლომჯარია”, - განაცხადა თადუმაძემ.
